Deputetja e LDK-së, Hykmete Bajrami, ka kritikuar kryeministrin e vendit, Albin Kurti, sipas saj për një shkelje ligjore.Përmes një shkrimi në Facebook, Bajrami thotë se sipas Ligjit për Ndërmarrje Publike, nuk mund të bëhesh drejtor në ndërmarrje publike nëse në 36 muajt e fundit ke mbajtur ndonjë post politik.
E siç thotë ajo, Kurti jo vetëm që ushtroj pozitën e drejtorit të KEK-ut, por edhe atë të drejtorit të burimeve njerëzore.
‘’ Para dy ditësh në KEK, Kurti shpërndau 220 kontrata punësimi, duke e shndërruar një ndërmarrje publike në instrument të fushatës së tij zgjedhore. Këto punësime, të maskuara si “në funksion të mihjes dhe prodhimit të qymyrit” siç e tha ai vetë, janë asgjë më shumë se një përpjekje e pastër për të fituar mbështetje elektorale me metoda të paligjshme – komplet të paligjshme’’, ka shkruar ajo.
Tutje ajo ka shkruar se ky nuk është manipulimi i vetëm, por është edhe një tjetër.
‘’Drejtori i SHSKUK-së, para katër ditësh paralajmëroi hapjen e një konkursi për 370 pozita që kanë qenë të mbajtura nga ushtrues detyre për më shumë se 10 vite.
