Prindi E.B., nga Prishtina, pretendon se djali i tij 14-vjeç është rrahur mbrëmë nga një polic.
Rastin ai thotë se e ka paraqitur edhe në Inspektoratin Policor të Kosovës, teksa në një bisedë telefonike për Gazetën Express ka dhënë versionin e tij të ngjarjes.
Prindi E.B., (emër i njohur për redaksinë), tha se një polic ia ka rrahur djalin mbrëmë në Prishtinë, pasi paraprakisht i mituri ka bërë shaka se i ka me vete pesë gram bari (substancë narkotike). Për këtë, prindi thotë se polici fillimisht e ka mbështetë djalin për një kioske në rrugë dhe kur nuk i ka gjetur në xhepa sasi të substancës narkotike e ka goditur të miturin me shuplaka.
