Avokati kosovar, Arianit Koci, ka folur për vizitën e djeshme në Kosovë të ish-presidentit Hashim Thaçi i cili ka vizituar prindin e tij në QKUK dhe për mënyrën se si sigurimi i Hagës janë sjellë gjatë vizitës.
Koci ka thënë se sigurimi s’ka pasur kurrfarë pune me mjekun e cili ka përshëndetur Thaçin derisa po dilte. Avokati kosovar ka thënë se e ka parë të paarsyeshme që një prej hetuesve ia ka drejtuar gishtin mjekut.
“Me mjekun s’kanë kurrfarë pune. Ai ka treguar në nivel të kulturuar, e ka bërë një përshëndetje. Ndoshta ka qenë mjeku kujdestar ose përgjegjës për gjendjen shëndetësore. E kam parë si të paarsyeshëm atë gishtin që ia çon hetuesi, dhe herën e dytë që i thotë ndoshta s’ke bërë mirë”, ka thënë Koci.
