Një aksident i rëndë ka ndodhur sot në aksin “Rubik-Fang”, ku për pasojë ka humbur jetën një 72-vjeçar.
Aksidenti dyshohet të jetë shkaktuar nga një autobus me targa të Kosovës.
72-vjeçari banues në fshatin Fang të Rubikut, si pasojë e përplasjes, ka humbur jetën në vendngjarje ndërsa fatmirësisht nga autobusi nuk është dëmtuar asnjë pasagjer.
Shoferi, 60-vjeçari kosovar me iniciale E. R., është shoqëruar në ambientet e Policisë, për kryerjen e veprimeve të mëtejshme procedurale.
Sipas njoftimit të policisë, në vendin e ngjarjes ndodhen shërbimet e Policisë Rrugore të Njësisë për Sigurinë e Autostradës “Milot-Morinë”, dhe grupi hetimor vijon punën për përcaktimin e shkakut të këtij aksidenti. /Tch
