Një autoambulancë me targa të Nishit të Serbisë është vënë re mbrëmë në Istog.
Më saktësisht, ajo ka qarkulluar pranë Qendrës Kryesore të Mjekësisë Familjare në Istog.
IndeksOnline ka kontaktuar me drejtorin e QKMF-së në këtë komunë, Ymer Vuthin, i cili ka deklaruar se nuk është në dijeni për këtë rast.
Megjithatë, sipas tij ka mundësi të jetë nga Qendra e Mjekësisë Familjare që gjendet në Osojan, fshat ky që është dukshëm më i banueshëm nga qytetarë serb.
“Nuk paskam informatë për këtë rast. Me gjasë atë e ka pru autoambulanca e Osojanit, aty është një qendër e mjekësisë familjare që ata po e mbajnë paralelisht me tonat. Ata kanë autoambulancë të tillë,” ka thënë Vuthi.
Ndërkaq, nga QKMF-ja e Istogut thonë se shërbimi kujdestaror ndërron çdo 12 orë, teksa se kë e ka sjellë ajo autoambulancë informata mund të ketë ndërrimi i ditës së djeshme.
