Një 23-vjeçare ka humbur tragjikisht jetën pas rrëzimit nga një shkëmb 50 metra i lartë, teksa po pozonte për një fotografi.
Sipas ‘Daily Mail’, ngjarja e rëndë ka ndodhur në Tajlandë, ku vajza e quajtur Nane-Iosana Bodea ishte në një udhëtim me shokë në ujëvarën e pikës turistike Na Muang, të ishullit Koh Samui.
Në këtë vend famëkeq janë të shumtë turistët që kanë humbur jetën teksa pozonin për të bërë një foto.
Nane-Iosana, nga Rumania, vendosi të bënte një foto dhe rrëshqiti në një copëz të lagur përpara se të binte në shkëmbinjtë poshtë përpara shikuesve të tmerruar.
Ekipet e shpëtimit duhej të përdornin litarë dhe një barelë për të nxjerrë trupin e saj nga shkëmbinjtë në një mision tre-orësh.
Trupi i saj është dërguar në spitalin Koh Samui për autopsi.
Ujëvara është e njohur për rrezikun e saj dhe autoritetet tajlandeze paralajmërojnë rregullisht turistët që të jenë të kujdesshëm pas tragjedive të viteve të mëparshme.
Në vitin 2019, Bastien Palmier, 30 vjeç, rrëshqiti dhe vdiq në të njëjtin vend ndërsa bënte një selfie.
Dhe spanjolli David Rocamundi Conesa, 26 vjeç, gjithashtu pësoi një vdekje të tmerrshme në ujëvara në të njëjtin vit me Bastien.
Në vitin 2017, Mirror raportoi se si një turist britanik i mbijetoi mrekullisht rënies.
Natyra magjepsëse e zonës i josh turistët, duke i shtyrë të qëndrojnë në skajet e shkëmbinjve të rrëshqitshëm dhe në të shumtën e rasteve të gjithë kanë një fund të hidhur. Autoritetet i paralajmërojnë gjithmonë turistët, por sërish historia vazhdon e njëjtë.
Në vitin 2019, 30-vjeçari Bastien Palmier rrëshqiti dhe vdiq në të njëjtin vend ndërsa bënte një ‘selfie’. Dhe spanjolli David Rocamundi Conesa, 26 vjeç, gjithashtu pësoi një vdekje të tmerrshme në ujëvara në të njëjtin vit me Bastien.
