Kryetari i sapozgjedhur i komunës së Mitrovicës së veriut, Eden Atiq, ka thënë se të hënën(nesër) nuk presin probleme, përveç problemeve administrative.
Sipas Atiç, pas shumë vitesh ka filluar demokratizimi i institucionit të komunës dhe për këtë ai mburret.
“Nesër nuk presim probleme, përveç probleme administrative. Siç e dini pas shumë e shumë vitesh, unë si kryetar komune i ri i Mitrovicës, mund të mburrem veç kemi filluar demokratizimin e institucionit të komunës. Mesa unë kam lexuar nga mediat, reagimi ishte që të mos vazhdonim më tutje, pasi Institucionet e Sigurisë e kanë bërë detyrën për të siguruar hyrjen e kryetarëve të komunave në godinat e tyre. Nuk po më duket shumë problematike”, u shpreh Atiq, në një lidhje për “ABC News”.
Atiq ka shtuar se për hyrjen e tij në objektin e komunës nuk ka pasur ndonjë problem, siç ka pasur në tri komunat e tjera në veri të vendit, ku është nevojitur edhe asisitimi nga Policia e Kosovës.
“Për hyrjen time këtu nuk ka pasur ndonjë problem, pasi prej nëntorit të vitit të kaluar, kemi ardhur 15 delegatë të rinj nga komuna e veriut të Mitrovicës dhe as atëherë nuk e kemi pasur asnjë problem. Përjashto këtu ditën e emërimin, një miniprotestë nëse mund të quhet ashtu e vajzave dhe grave të nacionalitetit serb, të cilat e patën një kërkesë, protestuan përpara oborrit të komunës së Mitrovicës dhe e shfrytëzuam rastin me i taku. Një përfaqësuese prej tyre erdhi këtu dhe e dëgjuam. Si qeverisje e re menduam t’i zgjidhim këto probleme”, ka shtuar Atiq
