Kryetari i Mitrovicës së Veriut, Erden Atiq, ka deklaruar se sulmi i sotëm ndaj dy shqiptarëve në këtë komunë, tregon për aktet kriminale që serbët ushtrojnë ndaj tyre qe disa vjet.
Në Facebook, Atiq ka shkruar se këto veprime janë të papranueshme dhe Mitrovica e Veriut është për qytetarët e jo për bandat kriminale.
“Veprimet e tilla kriminale janë të papranueshme dhe të dënueshme. Qyteti ynë ju përket të gjithë qytetarëve dhe asesi bandave kriminale që tentojnë ta mbajnë dhunshëm kontrollin mbi të”, ka shkruar Atiq.
Tutje, ai ka uruar shërim të shpejtë dy të rinjve teksa ka theksuar se pret që ky rast të zbardhet sa më parë.
