Asamblisti i AAK-së në Pejë, Labinot Panxha ka treguar se ai bashkë me disa anëtarë të tjerë të Kuvendit Komunal nuk janë përfshirë në të drejtën e pagës.
Panxha akuzon qeverinë se ka bërë shkelje në kuadër të listës së pagave.
Tutje ai thotë se për shkeljet që i ka bërë dhe po i bën pushteti lokal dhe ai qendror, Panxha bashkë me kolegët e tij ka ushtruar padi ndaj Kuvendit Komunal në Pejë në muajin gusht të vitit 2023 pranë Gjykatës Themelorë në Pejë.
Më poshtë postimin e plotë të asamblistit, Labinot Panxha:
Duke qenë se Ligji Nr.08/L-196 për Pagat në Sektorin Publik e përcakton sakt Koeficientin rrjedhimisht pagën mujore për Anetarët e Kuvendit Komunal Pejë, pushteti qëndror dhe ai lokal kanë zgjedhur që ta shkelin me të dy këmbet ligjin në fjalë duke e “lozur lojen e pin pongut”.
– Foto 1,
Paraqet shtojcen e ligjit me të cilin përcaktohet “Klasa Y34 dhe Kof.5.8” e Anëtarit të Kuvendit Komunal Pejë.
-Foto 2,
Lista e Pagave, paraqet shkeljet që pushteti lokal dhe ai qëndror i bejnë duke mos na njohur mua dhe disa anëtarëve të tjerë (nga pozita e opozita) të drejtën në pagë.
Në këtë listë janë të rreshtuara gabimet të cilat përbejnë shkelje ligjore si psh:
1.Koeficienti dhe Klasa -Y0-0/0.0 (gabim), do të duhej të ishte Klasa Y34 Kof.5.8,
2.Oret e punes -40 (gabim), nuk ka orar të rregullt punë në kuvend, mbahet vetëm një seance dhe atë një herë në muaj,
3.Paga baze-0.00 (gabim), do të duhej të ishte 638€ Bruto, dhe të llogaritej si pagë sekondare për ne që punojmë në sektorin publik dhe se kjo pagë sekondare të tatimohet me 10%.
4.Vlera e përvojes së punës- 0.00 (gabim), do të duhej të paguheshin vitet nga pervoja e punes,
5.Pagesa e seances se KK- 191,40€ (gabim) nuk paguhet seanca e Kuvendit Komunal sepse ligji ka paraparë vetem pagë mujore fikse, ndersa për Anëtaret e Komitetit për politikë dhe Financa ligji e përcakton shtesen e veçantë prej:30% të pages bazë të anëtarit të kuvendit, të cilën pagesë Kuvendi Komunal Pejë nuk na e ka bërë që nga hyrja në fuqi e ligjit të pagave.
Për këto shkelje të cilat i paraqita në këtë postim, unë dhe disa kolegë të tjerë kemi ushtruar padi ndaj Kuvendit Komunal Pejë në muajin Gusht të vitit 2023 pranë Gjykatës Themelorë në Pejë.
Anëtaret e Kuvendit Komunal nuk janë shërbyes civilë e as sherbyes publik, janë funksionarë publik.
Për ata që jan eksperta dhe i interpretojnë Ligjet si Gaz Muhaxheri, e kanë të pa mundur me kuptu këtë që po e them, por në qoftë se i referoheni Nenit 11 par.1 dhe nenit 23 par.4, 5 dhe 6 të Ligjit të Pagave, do ta kuptoni se me vetëdije të plotë po na shkelet një e drejtë të cilën ky ligj na e garanton.
Sido që të shkoj kjo çeshtje, me ose pa pagë, ne do të jemi në shërbim të popullit.
