Trajneri i Arsenalit, Mikel Arteta, është shfaqur i nervozuar pas barazimit të skuadrës së tij ndaj Fulhamit me rezultat 2:2, ku tha se do të duhej të shënon shtatë gola me ato raste të krijuara.
Trajneri spanjoll shprehu zhgënjimin e tij, pasi lojtarët e tij shpërdoruan shumë raste të mira për të shënuar. Në vend se të shënonin, ata pësuan gol në minutën e parë të takimit, kur Pereira gjeti golin për 1:0.
Topçinjtë u kthyen në lojë me golat e Bukayo Sakas nga penalltia dhe Eddie Nketiah, për ta përmbysur rezultatin, por Palhinha gjeti golin e barazimit në minutën e 87-të, për rezultatin përfundimtar 2:2, me mysafirët që luajtën nga minuta e 83-të me një lojtar më pak.
Arteta i tha BBC Match of the Day: “Që në fillim, ne ia dhuruam një gol atyre. Kështu e bëni jetën e vështirë për vetën tuaj. Por skuadra reagoi mirë, dominuam dhe krijuam shumë raste. Ku kemi mund të shënojmë lehtësisht pesë, gjashtë, shtatë gola. Dhe kur ke bërë gjënë më të vështirë, që është të rikthehesh përpara kundër një ekipi që është i organizuar mirë, duhet të mbrosh zonën tënde nga një kënd. Është e vetmja mundësi që ata kanë dhe dënoheni. Megjithatë, patëm edhe dy raste të tjera dhe nuk shënuam – kjo është historia e lojës. Bëmë shumë për ta fituar ndeshjen me rezultat komod dhe përfunduam me një pikë. Duhet të tregojmë një nivel tjetër përkushtimi dhe dëshirë dhe ‘mbi trupin tim të vdekur’. Ndaj 10 lojtarëve nuk mund të pësosh gol.”
Arsenali fitoi dy ndeshjet e para të sezonit, por tani përballet me një seri të vështirë ndeshjesh që mund ta bëjnë këtë barazim të ndihet edhe më i shmangshëm.
Topçinjtë ndeshjen e radhës e kanë ndaj Manchester Unitedit të dielën e ardhshme, pastaj takohen me Evertonin dhe Tottenhamin, në tri javët në vazhdim.
