Arsenal ka shënuar një fitore të madhe me rikthim kundër Bournemouthit në kuadër të xhiros së 26-të në Premirligë.
“Topçinjtë” dhanë leksion në aspektin e posedimit dhe krijimit të rasteve, me epilogun përfundimtar rezultoi të jetë 3:2.
Pas vetëm 11 sekondave lojë, Bournemouth arriti të kalojë në epërsi me anë të Dango Ouattara që u asistua nga Philip Billing duke lënë të befasuar vendasit (1′).
Pas kësaj, Arsenal mori dominimin e lojës duke tentuar ta gjejnë golin e barazimit me anë të Odegaard dhe Saka, por dyshja nuk i konkretizoi.
Një tjetër rast i dyshimtë ndodhi në minutën e 35-të, pasi u mendua që njëri nga mbrojtësit e Bournemouth preku topin me dorë, por arbitri nuk mendoi njëjtë.
Derisa Arsenal po vazhdonte të sulmonte, Bournemouth befasoi sërish me Marcos Sensi që shënoi me kokë pas një rivëndje këndore për të dyfishuar epërsinë (57′).
Sidoqoftë, gëzimi i mysafirëve zgjati vetëm pesë minuta, me mesfushorin Thomas Partey që ngushtoi epërsinë me një gol nga afërsia (62′).
Ndërsa, tetë minuta më vonë Ben White realizoi një gol të bukur pas një asistimi perfekt të Nelssonit (70′).
Arsenal kishte edhe disa raste të mira shënimi me anë të Martinellit dhe Sakas, por të dy futbollistët e talentuar nuk i finalizuan.
Në aksionin e fundit, ishte Reiss Nelson që me një gol të mrekullueshëm vollej i dha Arsenalit pikët e plota (90+5’).
Pas kësaj fitore, Arsenal vazhdon të jetë lider në tabelë me 64 pikë, pesë më shumë se Manchester City, derisa Bournemouth renditët në pozitën e 17-të me 22 sosh.
Në xhiron e radhës, Arsenal është mysafir i Fulhamit derisa Bournemout e pret Liverpoolin.
