Njësiti i hetimeve të Stacionit Policor Kllokot të mërkurën me leje të gjyqtarit të procedurës paraprake ka realizuar një kontroll në shtëpinë dhe objektet përcjellëse të dyshuarit G.P. (viti i lindjes 1977, mashkull kosovar serb).
Sipas njoftimit të policisë thuhet se gjatë kontrollit janë gjetur dhe konfiskuar dëshmi për gjykatën një pushkë e llojit M48, një pistoletë e llojit ,,Cervena Zastava“ e kalibrit 7.65 mm dhe 34 copa fishekë të kalibrit 7.92 mm.
“I dyshuari është arrestuar dhe shoqëruar në stacionin policor Kllokot ku është intervistuar në bazë të procedurave ligjore”, thuhet në njoftim.
Në lidhje me rastin është njoftuar prokurori i shtetit i cili ka urdhëruar që ndaj të dyshuarit të ngritët kallëzim penal për veprat penale ,,Mbajtja në pronësi, kontroll ose posedim të paautorizuar të armëve’’ dhe rasti do të procedohet në prokurorinë themelore.
