Mbrëmë në Ferizaj një i dyshuar është ndaluar në një pikë kontrolli nga Policia, pas kontrollit policor të dyshuarit i kanë gjetur një karikator me një fishek, një sasi të substancave narkotike dhe një mulli për bluarjen e substancave narkotike. Më pas është bastisur banesa e të dyshuarit, ku janë gjetur dy armë zjarri, i njëjti është arrestuar dhe dërguar në mbajtje, shkruan Gazeta Metro.
Në ora 21:10 të mbrëmjes, në rrugën “Hamzë Jashari” në Ferizaj, policia ka njoftuar se pas kontrollit të një automjeti BMW me targa vendore, të dyshuarit M/K, 26 vjeçar, i ka konfiskuar një sasi. të lëndëve narkotike dhe një mulli për bluarjen e këtyre lëndëve.
Policia njofton se me urdhër të prokurorit kanë bastisur banesën e të dyshuarit dhe kanë gjetur dy pistoleta (psiotlete) dhe një gëzhojë.
I dyshuari është dërguar në stacionin policor dhe është ndaluar për 48 orë, për t’u ndjekur me procedura të tjera.
Komunikata e plotë nga Policia :
Policët e stacionit në Ferizaj, mbrëmë rreth orës 21:20 në rrugën ‘’Hamzë Jashari ’’ në Ferizaj, derisa ishin në pikë kontrolli kanë ndaluar një automjet BMW me targa vendore.
Gjatë legjitimimit të shoferit dhe kontrollimit të automjetit, policia ka gjetur një karikator me një fishek, sasi të substancës narkotike dhe një mulli për bluarjen e substancave narkotike.
Ndërsa nën autorizim të prokurorit kujdestar nga Prokuroria Themelore në Ferizaj është bastisur banesa e të dyshuarit, ku janë gjetur dy armë zjarri ( pistoleta) dhe një fishek.
I dyshuari G.H ( M/K) i moshës 26 vjeçar është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit të rastit është ndaluar në mbajtje për 48 orë për procedura të mëtejme hetimore, ndërsa rasti është cilësuar ‘’Mbajtje në pronësi, kontroll ose posedim i paautorizuar i armëve’’ dhe ‘’Posedim i paautorizuar i substancave narkotike psikotrope ose analoge’’./gazetametro.net
