Janë arrestuar dy të dyshuar te Kalaja e Prizrenit të cilët të dielën rreth orës 02 e 30 minuta janë zënë në flagrancë nga policia duke përdorë substanca narkotike, njofton Gazeta Papirus.
Gjatë kontrollit, të njëri janë gjetur e konfiskuar dy qese të vogla njëra me substancë të dyshuar narkotike e llojit marihuanë, tjetra me substancë speed në peshë 0.19 gramë dhe cigare joint në peshë 5.19 gramë, ndërsa i dyshuari tjetër dyshohet të jetë shitës i lëndëve narkotike.
Të dyshuarit, kanë pranuar tretman mjekësor në repartin e neuropsikiatrisë, dhe në konsultim me prokurorin pas intervistimit janë liruar në procedurë të rregullt.
Rasti është duke u hetuar nga njësiti antidrogë i policisë së Kosovës
