Një 74-vjeçar është arrestuar në Tiranë psau e kishte therur me thikë djalin e tij, i cili më pas ka vdekur.
Në njoftimin e Policisë së Shtetit thuhet se arrestimi u bë dje, dhe ngjarja kishte ndodhur pas një konflikti mes të dyshuarit dhe viktimës.
“Specialistët për Hetimin e Krimeve të Rënda në bashkëpunim me Komisariatin e Policisë Nr. 4 bënë arrestimin në flagrancë të shtetasit H. Gj., 74 vjeç, banues në Tiranë. Arrestimi i këtij shtetasi u bë pasi pasditen e djeshme, gjatë një konflikti të çastit për motive të dobëta, ka goditur me mjet prerës djalin e tij shtetasin A. Gj., i cili si pasojë ka humbur jetën në spital”.
“Materialet i kaluan Prokurorisë, për veprime të mëtejshme procedurale, për veprën penale të “Vrasjes për shkak të marrëdhënieve familjare”, në ngarkim të shtetasit H. Gj”, thuhet në njoftim.
