Policia e Kosovës ka njoftuar se janë identifikuar dy persona për disa vjedhje në komunën e Ferizajt, shkruan Periskopi.
Siç thuhet në njoftimin e Policisë njëri nga ta është arrestuar dhe është 23 vjeçar.
“Njësiti i Hetimeve të stacionit policor në Ferizaj, pas një hetimi intensiv lidhur me veprat penale “Vjedhja e Rëndë”, ka arritur të identifikojë dy persona të dyshuar për kryerjen e këtyre veprave në qytetin e Ferizajt, kryesisht në lokale.
Pas përpjekjeve të vazhdueshme për të gjetur të dyshuarin B. T, 23 vjeç ai është ndaluar nga Njësia e Hetimeve të Prishtinës, nën dyshimin për një vepër të ngjashme në rajonin e Prishtinës”, thuhet mes tjerash në njoftimin e Policisë.
