Tre punonjës të bashkisë së Shkodrës janë arrestuar pasi janë kapur duke transportuar me furgon, 50 qese me ushqime, për t’i shpërndarë te qytetarët, për përfitime elektorale.
Përmes faqes zyrtare të Policisë Zyrtare në Facebook bëhet e ditur se të arrestuarit janë:
Drejtori i Drejtorisë Ekonomike-Arsimore, bashkia Shkodër, Tekniku i Shërbimeve Mbështetëse në Drejtorinë Ekonomike-Arsimore, bashkia Shkodër, dhe Specialisti I Financës në Drejtorinë Ekonomike- Arsimore, bashkia Shkodër.
Ndërsa në kërkim është shpallur porositësi i pakove ushqimore, me detyrë Drejtor i Drejtorisë së Ujësjellës- Kanalizimeve, bashkia Shkodër.
50 qeset me ushqime si dhe automjeti me të cilin po transportoheshin ato, janë sekuestruar në cilësinë e provave materiale.
