Janë arrestuar nëna dhe babi i 14-vjecarit i cili mëngjesin e sotëm dyshohet se vrau tetë nxënës dhe rojën e shkollës në Beograd.
Kështu ka bërë të ditur presidenti i Serbisë, Aleksandër Vuciq në një fjalim publik, raporton Tanjug
Vuçiq tha sot se djali që ka qëlluar sot në shkollën fillore “Vladislav Ribnikar” aktualisht ndodhet në një vend të veçantë dhe do të vendoset në një pjesë të veçantë të klinikës për neuropsikiatri.
“I ati u arrestua, si pronar i një arme, të cilën dukshëm e mbante dhe e ruante në mënyrë të paligjshme, edhe pse kishte të gjitha lejet e nevojshme. Edhe nëna është marrë në paraburgim”, tha Vuçiq.
Ai shtoi se djali vjen nga një familje e respektuar dhe e pasur, dhe se babai i tij është profesor dhe mjek.
