Policia e Kosovës ka arrestuar dy persona në arrati, të cilët ishin të dënuar me burg nga organet gjyqësore në Kosovë.
Si rezultat i këtij operacioni, u arrestua i dyshuari E. S., i dënuar për veprën penale “Sulm”, me një dënim prej 1 viti e 10 muajve burgim, u arrestua në Rahovec.
Ndërsa i dyshuari L. K., i dënuar për veprat penale “Falsifikimi i parave” dhe “Mbajtja në pronësi, kontroll ose posedim i paautorizuar i armëve”, me një dënim prej 10 muajve burgim, u arrestua në fshatin Xerxë.
Dy të dyshuarit janë dërguar në vuajtje të dënimit.
