Dy persona janë arrestuar në Pejë, pasi që kishin kryer një grabitje. Policia njofton se të dyshuarit teksa ishin me veturë, kishin ndalur një person në rrugë, të cilit i kishin grabitur 1600 euro dhe një telefon.
“Drejtoria Rajonale e Policisë nё Pejë, Stacioni Policor në Deçan, me datën 11.03.2025, rreth orës 00:35 është njoftuar se në rrugën Elez Geci& Maxhun Berisha nё Deçan, ka ndodhur një grabitje. Policia e Kosovës menjëherë i është përgjigjur rastit dhe me të arritur në vendngjarje kanё takuar tre persona tё cilёt kanё informuar se viktima e rastit ishte ndaluar nga dy persona me veturё me targa vendore dhe sipas deklarimit tё viktimës tё dyshuarit ia kanё grabitur një mijë e gjashtëqind (1600) euro dhe njё telefon mobil tё cilët janё larguar në drejtim të panjohur. Pas një pune intensive të hetuesve, tё dyshuarit janё identifikuar dhe tё njëjtit janё arrestuar. Pas intervistimit nga hetuesit, me urdhër të prokurorit të shtetit tё dyshuarit janё ndaluar për 48 orë”, thuhet në raportin e policisë. .
