Ministria e Punëve të Jashtme të Kosovës ka kërkuar nga qytetarët që të shmangin kalimin nëpër Serbi.
Sipas MPJD-së kjo për shkak të situatës së krijuar në veri të vendit.
“Për shkak të situatës së krijuar në veri të vendit, Ministria e Punëve të Jashtme dhe Diasporës e Republikës së Kosovës, u bën thirrje të gjithë qytetarëve që të shmangin kalimin nëpërmjet Serbisë.” – thuhet në njoftim.
Nga MPJD kanë thënë se gjatë ditës kanë pranuar informata se disa qytetarë të Kosovës janë arrestuar nga autoritetet serbe përgjatë kalimit nëpër Serbi.
“MPJD, gjatë ditës ka pranuar raportime për arrestime të qytetarëve kosovarë nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd. Marrë parasysh zhvillimet e fundit, dhe duke e njohur qasjen jo korrekte të autoriteteve serbe, me qëllim të shmangies të çfarëdo incidenti, MPJD fton qytetarët që të përdorin rrugë alternative për udhëtim.” – thuhet në përfundim.
