Sot përmes një komunikate për media, Policia e Kosovës ka bërë të ditur se ka arrestuar një qytetar serb me akuzën se ka kryer krime lufte në Kosovë gjatë periudhës së vitit 98-99.
Në njoftim, u tha se i dyshuari konkretisht në burgun e Lipjanit, në mënyrë sistematike, dyshohet se ka ushtruar torturë, dhunë fizike, psikike, keqtrajtime dhe maltretime çnjerëzore dhe të skajshme për jetën ndaj të burgosurve shqiptarë, shkruan GazetaPapirus.
Si shenjë revolte dhe pakënaqësie për arrestimin e të dyshuarit, sot është mbajtur edhe një protestë në Graçanicë, protestë kjo e cila fatmirësisht kalojë pa incidente.
Ndërkohë, lidhur me zhvillimet e larcekura, GazetaPapirus ka kontaktuar me ekspertin e sigurisë, Bedri Elezin për të kuptuar më shumë se çka mund të pritet ditëve në vijim.
GazetaPapirus ka pyetur Elezin se a mund të tensionohet situata në konotacion negativ për policët kosovarë të kidnapuar.
Ai e përshkroi situatën në Graçanicë si një sinjal jo të mirë, për arsye se organizimet që po bëhen nga serbët aty, po tentojnë t’i shpërndajnë edhe në pjesë tjera ku jetojnë serbët dhe kjo bëhet si shkak i realizimit të planeve të Serbisë e cila synon destabilizimin e Kosovës.
Personi i arrestuar sot ka qenë në kërkim nga Prokuroria e Shtetit për shkak të veprave kriminale të kryera gjatë luftës dhe që duhet të dal para drejtësisë, ndërkohë sipas ekspertit të sigurisë, serbët po e shfrytëzojnë këtë situatë për organizime dhe protesta.
Gjithashtu, Elezi thekson se protesta sot ka qenë jo në rregull për faktin se ka bllokuar rrugët dhe kjo nuk është një formë paqësore e protestës, mirëpo qëllimi i saj është eskalimi, marrur parasysh faktin se Policia çdoherë duhet të ndërhyjë për të qetësuar situatën./GazetaPapirus/
