Me datën 18 gusht, Policia e Republikës së Kosovës bastisi një nga pronat e Ridvan Muharremit i cili njihet si “njeriu i Kurtit”, pra kryeministrit Albin Kurti, për faktin se ky i fundit dyshohet se shpesherë ka qenë i ftuar nga pronari i lokalit për dreka dhe darka në lokalin e tij “Bukë e zemër”. Ndërkohë, pas bastisjes, Policia arrestoi Muharremin i cili dyshohej të jetë përfshirë në aferën e vajit, ku dyshohet se janë keqpërdorur 300 mijë euro.
Krahas, Ridvan Muharremit, bashkë me të u arrestuan edhe tre zyrtarë tjerë për akuzën, “Keqpërdorim i detyrës zyrtare”, si dhe “Dhënie të ndihmës në kryerjen e veprës penale” të “Keqpërdorimit të detyrës zyrtare”, shkruan Gazeta Papirus.
Theksojmë se, para se Policia të kryente bastisjen në pronat e Muharremit, ditë më parë biznismeni shqiptar, Ndue Gjini ishte i ftuar në një intervistë ekskluzive te gazetari Berat Buzhala ku kishte treguar se personalisht Ridvan Muharremi, i ka kërkuar të gjejë “katër dëshmitarë katolikë” për të dëshmuar në Tribunalin e Hagës, kundër ish-Presidentit të Kosovës, Hashim Thaçi.
“Kur kemi qenë në Shqipëri, Ridi një temë shpesh ma ka përmend. Më thojke ju besimtarë katolikë jeni më besnikë…Por, unë e kuptova vonë pse e thoshte”, nis e shtjellon Gjini.
Ndërkohë, lidhur me këtë edhe pse Ridvan Muharremi u arrestua, burime të Gazetës Papirus bëjnë me dije se Muharremi ende nuk është marrë në pyetje nga Prokuroria lidhur me deklaratat e Ndue Gjinit, për Ridvan Muharremin pra ish-presidentin Thaçi, vrasjet me pagesë dhe armët për të cilat thuhet se Kurti ka bashkëpunuar me Ridvan Muharremin.
“M’i shitë armët e Turkisë, armët që janë vjetru, Turkia ka marrë të reja, e këto armët e reja me i marrë. E kemi ba, tha, një bisedë me një polak, dhe që ai i ka lyp 15%. Janë afër 360 milionë euro armë, e përnjëherë m’ei qitë në Ukrainë. Tha që në qoftë se ai i merr 5%, tha mujm me ba biznes. Armët me i marrë prej Turqie, dhe 10 % janë për atë dhe Albin Kurtin. Armët me i marrë me i çu në Ukrainë, dhe 10 % me i taku Ridvanit dhe Albin Kurtit”, tregonte ai.
Theksojmë se, Ndue Gjini ka deklaruar në intervistën te Nacionale se Ridvan Muharremi tregon t’i ketë kërkuar likuidimin e një kundërshtari politik, përkatësisht një pjesëtari të Partisë Demokratike të Kosovës.
/GazetaPapirus/
