“Gjithsecilit që është LVV dhe është duke më dëgjuar, bëni një provë dhe pyetne vetveten e juaj. 15 vitet e fundit çka ka thënë Kurti, sa përqind e tyre janë realizuar dhe do të dilni në përfundim se 80 përqind nukj janë realizuar. Prandaj është një tradhëti politike ndaj antarëve dhe votuesve të LVV-së kurse tradhëti kombëtare për neve në Luginë të Preshevës sepse ka fol me vite, edhe në pozitë edhe në opzitë, ka fol me vite e kur e pati pushtetin neve na ka përqa, na ka keqmenagjuar mjetet…në fund nuk po na përfshin në marrëveshje”.
Kështu ka deklaruar Kryetari i Komunës së Preshevës, Shqiprim Arifi, gjersa kritikoi aneksin e marrëveshjes në mes Kosovës dhe Serbisë për mosbarazi, Arifi ka thënë se askush nuk po përmend shqiptarët e Luginës së Preshevës.
‘Për ne shqiptarët e Luginës nuk po flet askush, nuk po flet as Qeveria Kurti më sepse në fillim të Kurti II është munduar me këtë fjalën recirprocitet me kriju këtë levën në drejtim të Luginës së Preshevës. Tash nuk kemi as reciprocitet në këtë marrëveshje, nuk jemi as të cekur në këtë marrëveshje”, ka deklaruar ai.Krahas kësaj, i njëjti ka deklaruar se nuk mund të besojë se shqiptarët e Luginës nuk do të jetë të diskriminuar edhe në të ardhmen.
“Serbët në Kosovë janë të cekur, shqiptarët e Luginës nuk janë…këtu ka një mosbarazi. E dyta është se aty nuk është garancia se ne nuk do të diskriminohemi në të ardhmen. Aneksi në qoftë se aty ceket se nuk do të diskriminohemi, shpresojmë por nuk mundem t’a besoj”, ka deklaruar ai. “Është një tradhëti e cila po bëhet politike dhe po i bëhet Luginës së Preshevës… Unë besoj se Albin Kurti është duke tradhëtuar votuesit e vet. Gjithsecilit që është LVV dhe është duke më dëgjuar, bëni një provë dhe pyetne vetveten e juaj. 15 vitet e fundit çka ka thënë Kurti, sa përqind e tyre janë realizuar dhe do të dilni në përfundim se 80 përqind nukj janë realizuar. Prandaj është një tradhëti politike ndaj antarëve dhe votuesve të LVV-së kurse tradhëti kombëtare për neve në Luginë të Preshevës sepse ka fol me vite, edhe në pozitë edhe në opozitë, ka fol me vite e kur e pati pushtetin neve na ka përqa, na ka keqmenagjuar mjetet…në fund nuk po na përfshin në marrëveshje”.
Përfaqësuesit politikë dhe institucionalë shqiptarë të Komunave të Luginës së Preshevës, përmes një deklarate të përbashkët, kanë kërkuar të drejta të barabarta siç parashihen për serbët në planin evropian./dukagjini/
