Oda Ekonomike Amerikane në Kosovë ka organizuar konferencën gjysmëditore të titulluar “E Ardhmja e Kujdesit Shëndetësor”.
Kjo konferencë ka trajtuar tema kritike si reformat e politikave, avancimet e kujdesit shëndetësor dhe rolin e sektorit privat në përmirësimin e ofrimit të kujdesit shëndetësor dhe infrastrukturës përcjellëse.
Ministri i shëndetësisë, Arben Vitia, ka thënë se Inteligjenca Artificiale shumë shpejt do të përdoret në disa segmente të shëndetësisë publike.
Ai ka thënë se Sigurimet shëndetësore po bëhen dhe se atyre po u paraprinë shtimi i shërbimeve të reja dhe investime në infrastrukturën shëndetësore në sektorin publik.
