Analisti politik, Arben Ahmeti po mendon krejt ndryshe, meqë sipas tij Kurti nuk është se ka ndryshuar nga qëndrimet e tij në lidhje me Asociacionin, marrëveshjen finale, bashkimin kombëtar, flamurin kuq e zi e tema ose kauza për të cilat Kurti kishte folur e ngritur në opinion për më shumë se një dekadë e gjysmë, raporton Gazeta Blic.
Ahmeti për emisionin “Expose” thotë se Albin Kurti nuk do të dorëzohet para presioneve ndërkombëtare qoftë për Asociacionin apo marrëveshjen finale.
Për këtë e ka një shpjegim interesant.
Sipas tij, bashkësia ndërkombëtare janë shumë të interesuar që ta lënë sa më gjatë në pushtet Albin Kurtin që të ç’mitizohet.
Ahmeti thotë se ajo çfarë në fakt po ndodh me Albin Kurtin është se çdo ditë e më shumë njerëzit po e kuptojnë që asnjëherë nuk ka arritur ta bëjë një organizatë e cila dinë të Qeverisë.
“Kurti është politikan i zakonshëm i cili ndryshon dhe përshtatet varësisht prej rrethanave pro ajo çka e dallon Kurtin prej si veçori unë mendoj megjithatë është ende insistues në idetë e tij fillestare dhe nëse doni ta dini se si unë e interpretoj Kurtin e interpetoj në bazë të fjalisë së tij të zakonshme, kur thotë i kemi ndërruar mjetet por jo qëllimet, që i bie çfardo që fiton qoftë edhe postin e kryeministrit por edhe qeverinë si të tillë, do ta përdor si mjet për disa qëllime që i ka pasur dikur dhe kur flasim për këto qëllime që i ka pasur dikur, ne po flasim për bashkimin kombëtar, flamurin kuqe e zi , flasim për qëllimet e mëhershme. Kështu që deklarativisht t ai në fakt është kameloini më i madh politik, nëse ndalesh dhe e sheh Albin Kurtin e 2013 me Albin Kurtin e 2023 nuk do t`i besoni veshëve, por nuk besoj se ndryshuar shumë në përmbajtje sepse në përmbajte sërish me Lëvizjen Vetëvendosje vendosin protagonistët që kanë vendosur edhe më 2013 e të cilët nuk kanë qenë fare në publik, po flasim për grupin filozofik të ideologjisë së partisë e që kohëve të fundit u sulmuan edhe identifikua nga opozita si grup”, vlerëson Ahmeti.
