Agjencisë për Parandalimin e Korrupsionit (APK) ka bërë me dije se pretendimet për shkarkimin Pranvera Prestreshit nga pozita e zv/drejtoreshës në Agjencinë për Regjistrimin e Bizneseve (ARBK) nuk kanë qenë të bazuar.
Në vendimin e APK-së që ka siguruar “Paparaci” thuhet se pretendimet e MINT-it se Prestreshi ishte në konflikt të interesit në rastin Klan Kosova, nuk janë të vërteta.
Pas hetimeve të zhvilluara, Agjencia për Parandalimin e Korrupsionit ka vlerësuar se Prestreshi nuk ishte në konflikt të interesit.
“Mbyllet rasti për zyrtaren, znj. Pranvera Prestreshi, ish-zëvendës drejtoreshë e përgjithshme e ARBK-së, për shkak se nuk ka prova të mjaftueshme që e argumentojnë dyshimin e arsyeshëm për ekzistimin e konfliktit të interesit”, thuhet në vendimin e APK-së.
Më 22 qershor, ARBK-ja kishte vendosur për shkarkimin nga pozita të Prestreshit.
“Ushtruesja e detyrës së drejtoreshës Pranvera Prestreshi është zënë nën rrethana të konfliktit meqë ka familjar një avokat që, sipas ARBK-së, punon për Klan Kosova”, ishte thënë në vendimin e ARBK-së.
Pranvera Prestreshi ushtronte detyrën e drejtoreshës së ARBK-së kur ishte vendosur që t`i merrej licenca e biznesit televizionit Klan Kosovën.
Pas ofrimin të materialeve të nevojshme nga televizioni, ajo kishte marrë vendim për pezullimin e marrjes se licencës.
Për këtë veprim, ajo ishte shkarkuar me arsyetimin se dyshohej se ndodhej në konflikt interesi
