Sot shënohet 32 vjetori i lëvizjes për pajtimin e gjaqeve në Verrat e Llukës në Komunën e Deçanit.
Pikërisht në këtë përvjetor një vit më parë në sheshin ”Nënë Tereza” në Klinë, u nderua me bust veprimtari dhe iniciatori i kësaj lëvizjeje Anton Çetta.
Skalitja në bronz e “Plakut të Urtë” ashtu siç njihej në popull, ishte mundësuar nga disa donatorë nga Zvicra së bashku me forumin e intelektualëve “Luigj Gurakuqi” dhe Komunën e Klinës, shkruan Klankosova.tv.
Për vendosjen e figurës së pajtimtarit, të lumtur ishin shprehur familjarët e të ndjerit duke thënë se ai u harrua nga shteti, ndonëse veprat e tij ishin të mëdha.
Manifestim ishte mbajtur në Verrat e Llukës, vend ky që 32 vjet më parë mblodhi mijëra njerëz e ku u pajtuan mbi 100 gjaqe, ndërmjet familjeve të hasmëruara.
Më poshtë gjeni kronikën e Klan Kosovës të përgatitur më 1 maj të 2021-ës.
