Pasuria e disa prej tyre prekte shifrat milionëshe. Drejtori i Agjencisë për Parandalimin e Korrupsionit (APK), Yll Buleshkaj ka bërë të ditur se janë në proces të shqyrtimit të gjobave ndaj 13 zyrtarëve publik.
Kjo për shkak që të njëjtit pasurinë e tyre e kanë deklaruar jashtë afateve ligjore.
Buleshkaj, ka treguar se edhe sa mund të jetë gjoba ndaj këtyre zyrtarëve.
“Janë 13 zyrtarë që e nuk e kanë deklaruar pasurinë brenda afatit ligjor. Pra, ata që e kanë dorëzuar pas afatit, e që afati ishte deri në fund të muajit mars e pranojnë një gjobë deri në 30% të pagës mujore, jo më shumë se 500 euro”, ka thënë Buleshkaj.
“Ndërsa, ata që nuk e kanë deklaruar fare pasurinë ose pas 15 dite të përfundimit të afatit shtesë dërgohen në Prokurori në formë informate ose kallëzimi penal”, ka shtuar Buleshkaj.
