Një video nga Serbia, nga autostrada drejt Nishit, është shfaqur në rrjetet sociale, ku shihet një konflikt mes eskortës së kryeministrit Gjuro Macut dhe një automjeti në të cilin ndodheshin anëtarë të kabinetit të presidentit serb, Aleksandar Vuçiq.
Videoja është postuar në rrjetet sociale nga kryetari i Partisë Demokratike, Sërgjan Milivojeviq, transmeton Ballkani.info.
Je l ovo Suzana Vasiljević postrojava obezbeđenje Đure Macuta ko onomad Dijana Hrkalović što se iživljavala nad policijom?
Nije ni čudo što policija po nalogu Specijalnog tužioca ne sme da pretrese kabinet ministra Selaković.
A ti Ivice služiš da zapevaš na prijemu i zakukaš kad… pic.twitter.com/TtJfYNSiuk— Srđan Milivojević (@srdjanmil037) May 17, 2025
Në incizim, siç raportojnë mediat serbe, dëgjohet një zë që supozohet se i përket këshilltares së presidentit serb, Suzana Vasiljeviq, duke dalë nga automjeti dhe duke bërtitur: “Tash po shkoj t’ia shkë***j nënën atij”, ndërsa njërin nga personeli i sigurisë së kryeministrit Macut e quan “idiot”.
Në pjesën tjetër të videos dëgjohet një zë gruaje që pretendon se bëhet fjalë për një eskortë nga zyra e presidentit Vuçiq, pas së cilës ndodh një sherr fizik mes dy pjesëtarëve të sigurisë.
Për momentin nuk dihen të gjitha rrethanat e këtij incidenti, as identiteti i të gjithë pjesëmarrësve, ndërsa në ditët në vijim mund të mësohen më shumë informacione rreth historisë së mundshme të konfliktit. /Ballkani.info/
