Nesër me datë 18 Mars në Ohër do të mbahet takimi në mes Kosovës dhe Serbisë, përkundër që ka një marrëveshje në tavolinë, e cila quhet propozim bazë, nuk dihet nëse palët do t’i hedhin nënshkrimet mbi të.
Gazmir Raci analist politik, i pyetur rreth mendimit të tij për takimin e nesërm, tha se nuk pret marrëveshje që do duhej të nënshkruhet nesër në Ohër nga dyja palët, nga ana e Republikës së Kosovës ose ajo e Serbisë.
Por, Raci beson se dy vendet së paku do të dalin me një deklaratë të përbashkët në mënyrë që të vazhdohet dialogu për zgjidhjen e problemeve në mes vendeve.
Raci theksoi se pret që të dyja palët të kenë një deklarat të përbashkët të zotimeve që të vazhdojn përmes dialogut ti zgjidhin problemet që kanë mes tyre Kosovës dhe Serbisë.
“Pres që nesër palët mund të dakordohen për të nënshkruar një ceremoni tjetër që mund të mbahet në Paris ose Berlin.”
Ai gjithashtu beson se të dyja vendet kanë interes të përbashkët që të nënshkruhet plani evropian, shkruan Gazeta Papirus.
“Unë besoj që Kosova dhe Serbia kanë interes që të nënshkruajn planin dhe aneksin sepse tash dihet që rruga drejt Bashkimit Europian për anëtarësim kalon vetëm nëpërmjet kësaj marrëveshje” , shtoi Raci në fund. /GazetaPapirus
