Salih Zogiani ka të botuara shtatë libra me anektoda shqiptare, një të përkthyer në anglisht.

Salih Zogiani ka njoftuar për PROINTEGRA.CH, se tani ka përfunduar edhe librin e tetë “Anektoda shqiptare nga mërgimtarët”, i cili së shpejti do të dal nga shtypi.

Libri përmban 303 anektoda të mbledhura nga 85 tregimtarë mërgimtarë.

Salih Zogianin e shohim aktiv në takime të ndryshme kulturore e artistike, e sa herë që merr fjalën di ta bëjë turmën të qeshë. Ndërlidhjet e anektodave në memomentet në të cilat gjendet janë të hatashme, dhe kështu një shembull i mirë i qasjes me letërsinë gojore në të shkruar.

Po ndajmë një anektodë të shkruar në njërin prej librave të tij;

CAKËRRONI MA SHPESH E MYTNI DREQNIT KREJT
– Anekdotë –
Arsimtarët e një shkolle shkonin mirë mes vete dhe ishin marrë vesh të takoheshin kolektivisht, te njëri-tjetri, për muhabet. Kur i erdhi radha njërit, që e kishte babën shumë fetar, i tregoi babës që do t’i vinin shokët për muhabet dhe e pyeti nëse bën të pinin raki?
– Jo, nuk ban me pi raki n’shpi teme! – i tha i ati.
– Mbasi nuk ban me pi raki, a ban me pi konjak? – i tha djali.
– Veç raki nuk banë me pi, e tjetërsend pini çka të doni, – i tha i ati.
Kur filluan të pinin, i cakërronin gotat shpesh. Kur i pa e ama se po i cakërrojnë gotat shpesh, i pyeti:
– Pse po i cakërroni gotat kështu?
– Po, sa herë t’i cakërrojmë gotat, e mbysim nga një dreq, – i tha njëri.
– Amani ju koftë, bre djem, cakërroni sa ma shpesh e mbytni ndreqnit krejt, se ka shumë, – u tha plaka.