“U bë mirë që Hashim Thaçi u arrestua, por s’jam i sigurtë se do të dënohet. Amerikanët po e mbrojnë atë. Kosovarët kanë problem me Dick Martyn, nëse ai do të vritej, çdokush do të besonte se ky sulm erdhi nga Thaçi dhe gjykata nuk do të mund ta shpallte të pafajshëm,”- është një pjesë nga biseda e realizuar mes dy serbëve, të cilët kanë planifikuar vrasjen e ish-senatorit zviceran Dick Marty, me qëllim fajësimin e shqiptarëve, në veçanti ish-kryeministrit, Hashim Thaçi.
Në Ditarin më të ri, Buzhala analizon planin e serbëve dhe zbulimin e tij nga Policia Zvicerane, ndërsa e cilëson si skenar filmash.
“Duket si skenar i filmave të Hollivudit, fiction, por është skenar i bazuar në ngjarje të vërteta. Një lojë e tmerrshme e shërbimit sekret serb, kundër shqiptarëve, posaçërisht kundër UÇK-së, posaçërisht kundër ish-kryeministri Thaçi. Pra, nuk po e them unë, po e thojnë mediat e Zvicrës, e një shteti demokratik ku ka liri të shprehjes,”- thotë Buzhala.
Tutje Buzhala tregon se media zvicerane ka zbardhur bisedën e një agjenti serb me një serb tjetër, për të cilin nuk ka pasur njohuri që ka qenë duke punuar si agjent i policisë evropiane.
Buzhala më tej thotë se plani për vrasjen e Dick Marty-t, e ka rrënjën në Beograd e në shërbimin sekret serb, ndërsa shton se nëse ky plan do të zbulohej nga shqiptarët, tribunali special “na kish ardh te shpija”.
“Nëse Berat Buzhala, a kushdo prej shqiptarëve e kish zbulu këtë skandal, meniher na kishin ‘leqitë’. Tribunali Special na kish ardh te shpija, kurse ambasadat e huaja nuk na kishin thirrë në pritje. Na kishin shpallë të afërt me organizatën kriminale të quajtuar UÇK,”- thotë Buzhala.
Ai po ashtu tregon se biseda mes dy serbëve është bërë vetëm një ditë pas ngritjes së aktakuzës ndaj Thaçit, duke theksuar edhe një herë se qëllimi ishte fajësimi i tij.
Në videon bashkangjitur, i gjeni të gjitha detajet në lidhje me planin e vrasjes së Dick Martyt nga serbët dhe zbulimin e planit nga media zvicerane.
