Presidenti i Serbisë, Aleksandër Vuçiq, ka thënë se ngjarjet në Kosovë pas shpërthimit në afërsi të Zubin Potokut, ku u dëmtua kanali Ibër-Lepenc, janë tentim për një sulm të madh dhe të ashpër hibrid ndaj Serbisë.
Ai ka theksuar se Serbia nuk ka asnjë lidhje me shpërthimin, por edhe Beogradi ka dyshime se kush e ka urdhëruar atë, si dhe di se kush mund të jetë autori.
“Nuk kemi mundur të dëgjojmë shumë fakte nga Prishtina. Jemi të qetë dhe do të insistojmë në këtë rast dhe nuk do t’i lëmë jashtë këtij rasti”, tha fillimisht Vuçiq.
“Beogradi dhe Serbia as nuk kanë pasur e as nuk do të na shkonte mendja… Askush nuk duhet të shqetësohet, sepse nuk ka asnjë gjë të vetme për të treguar dhe vërtetuar diçka që nuk është e vërtetë. Atje nuk ka Beograd dhe kush është atje do të shohim më vonë”, tha presidenti serb.
