Kryeministri aktual Albin Kurti, dikur ishte kundër lobimit dhe dhënies së projekteve që mundësonin lobimin e tyre. Në një deklaratë të nxehtë Kurti atë kohë kishte akuzuar dhe kritikuar rëndë Qeverinë për lobimin e saj në favor të Kosovës, por gjërat dhe fjalët e Albin Kurtit po i merr ”era”. Atë kohë kurti kritikonte rëndë ish-ministrin e jashtëm të asaj kohe Hashim Thaçin, raporton Gazeta Papirus.
Sot gjithçka ndryshoj, kur Qeveria e tij e bëri pikërisht të njëjtën gjë, duke ndarë para për lobim, dhe a e dini kush e mori tenderin? Një i afërm i zëvendëskryeministrit Besnik Bislmi.
Shpërthen skandali tjetër i Qeverisë Kurti, publikohet në media
Qeveria e Kosovës ka angazhuar një kompani lobimi në Uashington për të përmirësuar raportet tashmë të dëmtuara me administratën amerikane shkruan Gazeta Papirus.
Ai konsideronte se njerëzit që lobojnë janë njerëz të korridoreve të cilët pëshpëritin në veshë te njerëzit e tjerë duke u munduar të fascinojnë të tjerët për të nxjerrë ndonjë favor personal.
“Thatë që ne duhet të lobojmë, unë nuk kam qenë në Qeveri asnjëherë, por edhe nuk jam njeri i lobimeve, njerëzit e lobimeve janë njerëzit e korridoreve. Fjala lobim rrjedh prej fjalës lobi që do të thotë hollë, paradhomë, kthinë, unë nuk i jam i të tillave, ashtu jeni ju. Njerëzit që lobojnë pëshpëritin në veshë te njerëzit e tjerë dhe mundohen të impresionojnë të tjerët për të nxjerrë ndonjë favor, në rastin e juaj, personal. Prandaj unë nuk jam njeri i lobimeve, ju edhe Pacolli ai është tjetër regjistër”, deklaronte asokohe opozitari Kurti.
Megjithatë në vitin 2023 gjërat për Kurtin kanë ndryshuar.
Në një kohë kur marrëdhëniet me komunitetin ndërkombëtar, përkatësisht me Bashkimin Evropian dhe Shtetet e Bashkuara të Amerikës, janë në stadin më të ulët, Qeveria e Kosovës në vlerë prej 147 mijë euro ka kontraktuar një kompani për lobim, këshillim dhe përmirësimin të marrëdhënieve, marrëdhënie të cilat i dëmtoi po kjo Qeveri duke refuzuar me ngulm të koordinohet me perëndimin e t’i plotësojë kërkesat e tyre për të shtensionuar situatën në Veri të Kosovës/Gazeta Papirus/
