Vetëm dy ditë pasi një punëtor humbi jetën në vendin e tij të punës pasi kishte rënë nga lartësia, Policia e Kosovës ka njoftimit për një rast tjetër të ndodhur dje, ku një punëtor në Gjilan ka rënë nga platoja dhe i cili është në gjendje koma, shkruan Gazeta Metro.
Punëtori ka qenë duke punuar në një objekt dhe gjatë këtij procesi ka rënë nga platoja dhe ka pësuar lëndime.
Pas incidentit, i njëjti, ka marrë ndihmën e parë në gjendje kome dhe më pas është dërguar për tretman mjekësor në QKUK në Prishtinë.
Lidhjet me ngjarjen janë dalë njësitet policore dhe me udhëzim të prokurorit rasti mbetet nën hetim.
“Gjilan 21.06.2023 – 10:00. “Është raportuar se viktima mashkull kosovar derisa kishte qenë duke punuar në një objekt kishte rënë nga platoja dhe si pasojë kishte pësuar lëndime. Viktima pas marrjes së ndihmës së parë në gjendje kome është dërguar në QKUK Prishtinë për tretman mjekësor. Njësitë relevante policore kanë dalë në vendin e ngjarjes, është njoftuar prokurori udhëzon që rasti të vazhdoj në procedurë hetimore.” ka njoftuar policia.
Tre ditë më parë, kishte ndodhur një ngjarje e ngjashme në Ferizaj, pikërisht nga pasiguria në vendin e punës, ku humbi jetën një person.
Ngjarje të tilla duhet të hapin sytë pushtetit qendror dhe lokal për të marrë masat e duhura për të rritur sigurinë në vendet për punëtorët në vendet e tyre të punës.
“Raportohet se viktima mashkull kosovar derisa ka qenë në vendin e punës , në rrethana të panjohura ka rënë nga një lartësi. Viktima është dërguar për tretman ku mjeku ka konstatuar vdekjen e viktimës. Në vendin e ngjarjes kanë dalë njësitet përkatëse policore. Me vendim të prokurorit trupi i pa jetë i viktimës dërgohet në IML për obduksion”, ishte thënë nga policia.
