Aktivisti shqiptaro-amerikan dhe njërit ish-anëtari i Batalionit Atlantike të UÇK-së, Uk Lushi, ka komentuar pjesëmarrjen e liderëve të Kosovës në Konferencën e Mynihut, duke u shprehur i shqetësuar për mungesën e takimeve të rangut të lartë.
Presidentja e Kosovës, Vjosa Osmani, së bashke mu kryeministrin, Albin Kurti dhe Ministren e Jashtme, Donika Gërvalla, kanë marrë pjesë për tri ditë në njërën prej arenave më të mëdha të takimeve diplomatike të njohur si Konferenca e Mynihut.
Lushi thotë se është shqetësuese edhe mungesa e takimeve me zyrtarë të lartë amerikanë dhe ka kërkuar aktivitet më të madh nga diplomacia e Kosovës.
“Niveli jo i naltë i takimeve dhe takimet kryesisht me tashmë miq të shqiptarëve të Vjosa Osmanit dhe Albin Kurtit në Konferencën për Siguri të Mynihut janë fakti më i ri që lidershipi i Kosovës nuk është duke u pranuar dhe depërtuar si duhet në politikën ndërkombëtare. Shqetësuese është poashtu mungesa e takimeve të lidershipit të Kosovës në nivele të larta në Ëashington D.C. dhe SHBA. Presidenca, Kryeministria dhe diplomacia e Kosovës duhet të jenë më aktivë, më kërkues dhe bashkëpunues me institucionet dhe rrethet që mund të sigurojnë depërtim të lidershipit dhe diplomacisë së Kosovës në nivelet e larta dhe zyret vendimarrëse të politikës botërore”, shkroi në Facebook.
Lushi tutje ka shtuar se raportet Kosovë-Serbi janë në një fazë delikate dhe ka thënë se lideët e Kosovës mund të shtrijnë dorën edhe tek diaspora shqiptare në këtë aspekt.
“Heshtja e këtij problemi, veçanërisht këto momente kur raportet Serbi-Kosovë janë në fazë delikate, vetëm sa do t’a bëjë më të vështirë rikthimin dhe depërtimin e Kosovës në shkallët dhe sferat ku ajo duhet të jetë e pranishme me lidership. Një nga segmentet që mund të ndihmojnë është edhe Diaspora. Organet e Kosovës duhet të kërkojnë ndihmë dhe të bashkëpunojnë me Diasporën Shqiptare”, ka përfunduar ai.
