Prokuroria Themelore në Prizren, ka ngritur aktakuzë kundër të pandehurit E.L., i cili në cilësi të mjekut në QKUK në Prishtinë dyshohet se ka kryer veprën penale “Mashtrim”.
Sipas prokurorisië, i dyshuari që tash ndodhet në paraburgim ka bërë një premtim ndaj viktimës Sh.R. se mund t’ia punësojë bashkëshorten.
Me këtë rast ai ka shkaktuar dëm material në vlerë prej 9,650 euro, transmeton KlanKosova.tv.
“Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartcekur për veprën penale për të cilën akuzohet të shpallet fajtor dhe të dënohet sipas ligjit”, thuhet në kumtesë.
