Një aksident rrugor ka ndodhur në aksin Klos-Burrel, ku një automjet tip furgon ka dalë nga rruga dhe përplasi një fëmijë të mitur.
Sipas informacioneve paraprake, shtetasi L.D., 52 vjeç, humbi kontrollin mbi drejtimin e mjetit, duke shkaktuar aksidentin. Fëmija 4 vjeç u transportua menjëherë në spital për ndihmë mjekësore dhe më pas u dërgua në spitalin e Traumës ku dhe ndërroi jetë disa orë më pas, mbrëmjen e sotme.
Drejtuesi i automjetit është shoqëruar në Komisariatin e Policisë për veprime të mëtejshme, ndërsa grupi hetimor po punon për të sqaruar shkaqet dhe rrethanat e ngjarjes.
