Një aksident ka ndodhur sot rreth orës 11:30 në rrugën “Arbnor dhe Astrit Dehari” në Prishtinë , me ç’rast një person ka pësuar lëndime trupore.
Siç e konfirmon zëdhënesja e Policisë për rajonin e Prishtinës, dy makina dhe një motoçikletë janë përplasur, shkruan Gazeta Papirus.
“Sot rreth orës 11:30 në rrugën ‘Arbnor dhe Astrit Dehari’ Prishtinë, ka ndodhur një aksident trafiku në mes të dy automjeteve dhe një motoçiklete. Si pasojë e aksidentit një person (ngasësi i motoçikletës), ka pësuar lëndime trupore”, tha Flora Ahmeti për Gazeta Papirus.
/Gazeta Papirus/
