Një aksident i rëndë ka ndodhur pasditen e sotme në aksin rrugor “Divjakë-Gradishte”, me pasojë vdekjen e një 40-vjeçari.
Sipas policisë, në vendin e quajtur “Mëhallëz” automjeti tip “Benz” me drejtues një 56 vjeç, është përplasur me motomjetin me drejtues një 40 vjeçar.
Si pasojë e përplasjes ka ndërruar jetë 40 vjeçari, ndërsa raportohet se drejtuesi i mjetiti tip “Benz”, është shoqëruar në Komisariat për kryerjen e veprimeve të mëtejshme procedurale.
Njoftimi i policisë
Sot rreth orës 18:00, në aksin rrugor “Divjakë-Gradishte”, në vendin e quajtur “Mëhallëz” automjeti tip “Benz” me drejtues shtetasin Q. Ç., 56 vjeç, banues në Divjakë, është përplasur me motomjetin me drejtues shtetasin B. E., 40 vjeç, banues në Kamenicë, Divjakë.
Si pasojë e përplasjes ka ndërruar jetë shtetasi B. E.
Shtetasi Q. Ç. është shoqëruar në Komisariat për kryerjen e veprimeve të mëtejshme procedurale. Grupi hetimor po punon për përcaktimin e shkakut të aksidentit
