Ish-kryetari i Prishtinës, Shpend Ahmeti ka thënë se vizitë të ngjashme si të kryeministrit Albin Kurti në SHBA tash, kishin bërë bashkë në vitin 2013, raporton Gazeta Express.
Ahmeti ka shkruar në Twitter se sa ishin në opozitë, bashkë me Albin Kurtin dhe ish-kryetarin e Vetëvendosjes, Visar Ymerin kishin qëndruar afër 10 ditë në Shtetet e Bashkuara të Amerikës.
“Në vitin 2013 bashkë me Albinin dhe Visarin patëm vizituar SHBA-të. Kemi qëndruar afër 10 ditë dhe kemi vizituar 6 shtete. Kemi takuar kongresistë e senatorë, edhe State Dep. Kemi mbajt ligjerata në universitete dhe kemi bërë homazhe te varret e Nolit e Konicës”, shkroi ai.
