Asociacioni i Gazetarëve të Kosovës ka bërë të ditur se gazetarja e RTV Dukagjinit, Dorentina Thaqi është sulmuar me gurë në kokë nga protestuesit.
AGK-ja gjithashtu tha se ky është sulmi i 28-të në drejtim të ekipeve të mediave, teksa i katërti në Leposaviq gjatë ditës së sotme.
“Gazetaren Dorentina Thaqi, protestuesit të cilët i kanë sulmuar edhe kameramanët e RTK-së dhe TëVë1-në, e kanë qëlluar me gurë në kokë, ndërsa e kanë gjuajtur edhe me shok-bombë”, thuhet në njoftim.
“Ky është sulmi i 28-të në drejtim të ekipeve të mediave, gjatë tensioneve të fundit në veri të vendit, ndërsa sulmi i katërt vetëm gjatë ditës së sotme në Leposaviq”.
Asociacioni i Gazetarëve të Kosovës kërkon që urgjentisht të sillen para drejtësisë protestuesit, ndërsa u bën thirrje ruajtësve të rendit dhe paqes, Policisë së Kosovës, Policisë së EULEX-it dhe KFOR-it, që të krijojnë kushte të favorshme për raportim, në këto kohë të ndjeshme.
