Agjenti i Victor Osimhenit, Roberto Calenda, ka kërcënuar Napolin që do të ndërmarrin veprime ligjore.
Një gjë e tillë vjen pasi që faqja zyrtare e kampionëve italianë në TikTok postoi një video ku tallet qendërsulmuesi i tyre.
“Ajo që ka ndodhur sot në profilin zyrtar të Napolit në platformën e TikTokut është e papranueshme”, ka thënë agjenti i tij.
“Një video duke e tallur Victorin u bë së pari publike, por më pas me vonesë është fshirë”.
“Një fakt serioz që i shkakton dëm serioz lojtarit dhe i shtohet trajtimit që djaloshi po e vuan në periudhën e fundit midis mediave dhe lajmeve të rreme”.
“Ne e rezervojmë të drejtën për të ndërmarrë veprime ligjore dhe çfarëdo iniciative të dobishme për ta mbrojtur Victorin”.
