Pak kohë para se Komisioni Qendror i Zgjedhjeve të publikojë rezultatet preliminare të zgjedhjeve në veri, aktivistët e kësaj partie tashmë kanë filluar të mblidhen para selisë së Lëvizjes Vetëvendosje në Lagjen e Boshnjakëve.
Në mesin e tyre gjendet edhe ish-kryetari i Mitrovicës së Jugut, Agim Bahtiri.
Bahtiri ka thënë se komuna e Mitrovicës së Veriut dhe Leposaviqi do të jenë komuna të udhëhequra nga Lëvizja Vetëvendosje.
“Këtu është një gjë e sigurt që ka fituar VV-ja dhe po shpresoj që kryetari i porsazgjedhur do të jetë kryetar i të gjithë qytetareve do t’i shërbejë të gjithëve pavarësisht cilit nacionalitet i takojnë ata. Shpresoj që do të gjejë një mirëkuptim me të gjithë dhe është bërë më e mira që është e mundur të ndodhë ndonjëherë. Sa jam i njoftuar është Leposaviqi dhe Mitrovica e Veriut që është e VV-së, të tjerat nuk janë numëruar të gjitha”, ka thënë ai për TV Dukagjini.
