Ish-anëtari i Shtabit të përgjithshëm të UÇK-së dhe ish-shefi i grupit parlamentar të PDK-së, Adem Grabovci, ka përkujtuar vëllanë e tij, i cili ka rënë dëshmor sot 23 vjet më parë.
Grabovci ka treguar se Dinë Grabovci ka rënë dëshmor në të njëjtin vend, ku pas Luftës së Dytë Botërore, forcat okupatore e kishin marrë axhën e tij, eshtrat e të cilit nuk janë gjetur asnjëherë.
“Nderim dhe përkulje pranë lapidarit të të rënëve për liri, në 23-vjetorin e rënies, në Saradran. Në mesin e tyre, edhe vëllaun tim, heroin Dinë Grabovci, i cili ra në të njëjtin vend, ku pas Luftës së Dytë Botërore, forcat okupatore e morën njërin nga patriotet e shquar të asaj periudhe, axhën tim Bajram Metë Grabovcin, të cilit sot e kësaj dite nuk iu gjeten eshtrat.
Lavdi të rënëve të fshatit Saradran! Lavdi gjithë të rënëve për Liri! Lavdi!”, ka shkruar Grabovci në llogarinë e vet në “Facebook”.
