Kryetari i LDK-së, Lumir Abdixhiku, e përkujtoi sot ish-kryerarin e vrarë të Klinës, Ismet Rracin.
Abdixhiku thotë se Rraci ishte i ndershëm dhe patriot i madh, gjersa kujton që vrasja e tij nuk është zbardhur as pas 22 vitesh.
Kryetari i LDK-së qëndroi sot në banesën para së cilës u vra anëtari i LDK-së në prill të 2001-s dhe takoi gruan dhe djemtë e Rracit.
Shkrimi i plotë i Abdixhikut:
Ismet Rracin e vranë më 24 prill të vitit 2001. E vranë në hyrje të banesës së tij, derisa kthehej tek familja e tij; tek Astriti, Asimi, Albani e zonja Xhemile.
Ismet Rraci ishte kryetar i zgjedhur i Komunës së Klinës. Ishte patriot i madh, politikan i ndershëm, e bashkëpunëtor i përkushtuar në LDK.
22 vite më pas, kujtojmë dhe nderojmë jetën dhe veprën e tij. Sot isha në banesën e tij; aty ku po kthehej Ismeti Rraci në prillin e fundit të tij.
Krimi ndaj tij, ndaj vet Klinës e Kosovës, 22 vite më pas, ende nuk ka gjetur dritë.
