Kryetari i Lidhjes Demokratike të Kosovës (LDK), Lumir Abdixhiku ka rikthyer në vëmendjen ikjen e mjekëve kosovarë dhe jo vetëm.
Abdixhiku nëpërmjet një postimi në rrjetin social “Facebook” ka ftuar autoritetet që të marrin hapa drejt rritjes së pagave, pasi sipas tij, është koha e duhur.
“Është koha tu japim pagat e ngritura të cilat ata i meritojnë. Me ligjin e ri të pagave – koeficientin bazë që paradoksalisht s’e di askush – punëtorëve shëndetësor duhet tu sigurohet një jetë e dinjitetshme në Kosovë”, ka shkruar ai.
Postimi i plotë i Abdixhikut, pa ndërhyrje:
Punëtorët shëndetësor të Qendrës Kryesore të Mjekësisë Familjare në Prishtinë, i falënderova për kujdesin e vazhdueshëm që po e bëjnë për qytetarët në nevojë.
Është koha tu japim pagat e ngritura të cilat ata i meritojnë. Me ligjin e ri të pagave – koeficientin bazë që paradoksalisht s’e di askush – punëtorēve shëndetësor duhet tu sigurohet një jetë e dinjitetshme në Kosovë.
Largimi i tyre nga Kosova është bërë problem kombëtar. Shëndetësia duhet të jetë prioritet!
