Kreu i LDK-së, Lumir Abdixhiku, ka thënë se koha kur Vetëvendosje ka pasur dorë në partinë e tij ka vdekur, raporton Gazeta Papirus.
Abdixhiku i propozoi kryeministrit tw Kosovës që të brengoset për partinë e tij, në vend që të brengoset për Lidhjen Demokratike të Kosovës.
“Koha kur Vetëvendosje ka pasur dorë në LDK ka vdekur, tash nisu e brengosu për rrethin tënd se çfarë po thonë në VV për ty”, tha Abdixhiku.
Kryetari i LDK-së i është kundërpërgjigjur kryeminstrit Kurti, pas pyetjes që i parashtroi atij, se a do ta puthte apo pështynte veten në pasqyrë.
Abdixhiku tha se kur sheh vetën në pasqyrë, nuk e ka barrën se kanë vdekur njerëz për kauzën e tij e as që e ka rrezikuar të ardhmen e vendit.
“Unë kur shikoj vetën në pasqyre nuk e kam barrën që kanë vdekë njerëz për kauzën time, nuk e kam barrën qe i kam quajtur njerëzit tradhtar, nuk e kam barrën që e kam rrezikuar të ardhmen e vendit”./Gazeta Papirus/
