Aleanca për Ardhmërinë e Kosovës ka akuzuar kryeministrin në detyrë, Albin Kurti, për keqpërdorim të postit të tij, duke zhvilluar takime me deputetë të partive jo shumicë brenda zyrave të Qeverisë.
Sipas AAK-së, këto takime janë përdorur për aranzhime politike dhe jo për qeverisjen e shtetit, transmeton Gazeta Papirus.
Zëdhënësi i AAK-së, Kushtrim Xhemaili, ka thënë se zyra e Kryeministrit është një institucion shtetëror dhe jo një mjet për pazare politike.
“Kryeministër në detyrë, takimet me komunitete mbaji në zyrë të partisë. Kryeministria nuk është pazar, asnjë parti e as individ nuk është mbi shtetin. Zyra e Kryeministrit është për me qeverisë shtetin, e ke zyrën e partisë për koalicione.”, deklaroi ai.
Theksojmë se jo të gjithë deputetët e zgjedhur të komuniteteve joshumicë kanë konfirmuar votën për Kurtin.
